其實我諗下架咋，點知就好似lucy超能殺姫咁無啦啦腎上腺素飆升，爆晒seed，真係葉問上身咁款，唔單只我仲拳佬上身，一個打十個……話咁快班友仔就比我打到稀巴爛，個個都一仆一碌。呢個時候個個女同學都報以一個心心眼嘅樣望住我，我心裏暗爽。

突然，啱啱嗰位攞住枝機槍嘅大佬就好唔忿氣，唔抵得所有女都冧我，話要同我隻揪，我心裏不禁嘲諷佢，「哼，睇你點比我炒死啦廢柴！」

我同佢喺講台上面對打，而全校都望住呢個歷史性時刻。一開波佢就馮春美上身咁不斷使出擒拿手，但呢啲對於我嚟講濕濕碎啦，我好輕易咁就避開晒，然後用詠春加八極打到佢個靚仔樣都冇埋，不過個衰仔有時會擋住左我嘅攻擊，既然係咁我就好似葉問第二集咁入佢中路，最後再用八極鐵山靠同猛虎硬扒山一野埋佢單，就咁，佢就比我收服左，成為我嘅小精靈—傻鴨。

成功戰勝恐怖分子，結局就梗係天台bbq啦！