所有人小時候都有好多嘅夢想，就算冇好多， 都一定有個夢想，我細個嘅時候，我見到屋企人為咗生活，而努力辛苦地返工賺錢，加上我睇緊一套卡通片叫做多啦a夢，裏面有個好神奇嘅嘢，叫做「百寶袋」，有好多日常生活必需品， 喺「百寶袋」裏面都可以搵到出嚟， 我嘅夢想就係發明 卡通片中嘅「百寶袋」，唔使屋企人返工賺錢咁辛苦。

但係隨著年紀越大，知識越來越多，越嚟越了解呢個世界， 我就越嚟越覺得我呢個夢想係冇可能實踐㗎， 雖然知道冇乜可能，但係我係唔會放棄㗎，為咗生活，為咗屋企人我要堅持到底。

最終我真係發明咗卡通片中嘅「百寶袋」出嚟， 我十分之驚喜同埋開心，因為我實現咗一樣冇可能嘅夢想，發明咗之後我即刻同屋企人講，你哋全部人都可以辭職啦，因為我已經可以喺「百寶袋」度任何嘢出嚟， 從此以後我哋過住無憂無慮嘅生活。