老師眼中的壞學生非常簡單容易明白，以下將會一一解説。

首先，學生做唔切功課所以交唔切對老師黎講就係壞學生，即使俾左冇可能完成的份量，依然會係學生嘅錯，成為壞學生，例如老師強行增加暑期功課嘅量，仲要「代表」學生表示一定做得完，然而學生係做唔切嘅，結果佢就成為左壞學生，由此可見，交唔切功課對老師黎講就係衰。

然後，學生溫唔切默書考試唔合格就係衰學生，一個星期有七日，多於七日嘅默書「好正常」，正所謂一日有七十二個小時，「一定溫～得切」，溫唔切啊？咪衰仔囉。冇訓過覺啊？唔關我事喎，你地「身在福中不知福」啊，仲要唔合格，你點對得住我啊？由此可見，學生溫唔切就係衰。

然後，學生放學打波就係壞學生，點解？學生只可以返屋企做功課同去學校操卷，唔可以打波啊，會破壞學校風氣同學生會冇左讀書意識，會攰啊，做卷攰先唔會破壞讀書意識，總之唔可以打波，放棄夢想啦！除非你係衰仔。由此可見，打波對老師黎講就係衰。

總括而言，只有永無休止讀書，不論合理不合理都只可以聽曬老師講嘅嘢，否則就係衰。