＊今日走啦

Ｙｅａｈ！今日走啦，好奇怪，每次同爸爸去旅行都會下雨～哈哈～４：４５分集合，呀爸話４：００先出發，唉！雖然搭的士，但是都要預下時間嫁！唉～死啦！下好大好大雨呀！真有點兒擔心．我好開心呀！我要和爸爸，媽媽，妹妹去

澳洲旅行，第一日即係８月６日，我們乘晚上８時的飛機，上機前，非常繁忙，真是忙過不停，媽媽忙著收拾衣服，收拾証件；爸爸忙著收拾衣服，相機，菲林；妹妹忙著收拾衣服；而我忙著收拾衣服．由於晚上乘機去澳洲，我們就要在機上睡一晚，嗚．．．真有點不習慣！好開心呀！出發啦！我們懷著興奮的心情出發，首先我們乘的士出發去機場，跟住到Ｊ那行入口集合，報到，我們的導遊姓楊，幾好人！飛機７：１５分起飛，飛機沿著跑道行，沿途有很多燈，好美麗呀！七彩繽紛的，有：紅色，藍色，綠色，黃色，好多好多顏色，像一個閃閃發

光的星空．在飛機往下望，本來很大的東西都會變成沙一般細．我們要坐６個鍾頭先到呀，坐到暈呀！當飛機就快到跑道的盡頭時，就像箭一般快地飛過去，有很大的離心力．我們坐了一會兒，等飛機冇那麼震的時候，我和妹妹就開始寫日記．再過多很久很久先食飯，我，媽媽，妹妹食寬條麵，而爸爸食飯．食物都幾好味．食完之後，跟住別人來收東西，過了一會兒，就有氣流，好厲害呀！架機好震呀！

＊澳洲－開恩茲

我們終於到了澳洲啦！好開心呀，一落機就過海關，原來澳洲有好多野係唔可以帶嫁！包括：奶類，肉類，朱古力．．．好多好多．過完海關之後就乘十六座旅遊巴去酒店，跟住在酒店食早餐，冇什麼野好食．跟住我們開始第一日行程啦！就係去開恩茲，本來住希爾頓酒店，但是冇房比我們睡，激死人啦，跟住住了間３星級酒店，本來住４星級酒店嫁！跟住再回酒店休息，再玩過．我，爸爸，媽媽，妹妹同Ｅｒｉｃ去玩４輪機動車，好好玩呀！非常刺激，妹妹由於太

細，所以要坐在教練車．爸爸，我，Ｅｒｉｃ自己一輛車，勁好玩呀！初初我不太適應，這條路非常難行，上斜，下斜，轉左轉右，沿途勁多障外物，我常常撞向別人，哈哈～有幾次撞向Ｅｒｉｃ同西人．哈哈～玩玩下終於成功啦！我終於冇撞到人啦，Ｙｅａｈ！我們玩得好開心呀，玩到唔捨得走呀！ｈｅｈｅ～最後要導遊叫我地先走喳，哈哈～跟住食晚飯，有好多好多野食，有：凍蝦，凍蟹，甜品，水果，白飯，牛扒，雞扒．．．最開心都係認識了Ｅｒｉｃ，哈哈～

＊澳洲－大堡蕉

我們昨日玩到好累，所以今日我７：５９分先起床，我和妹妹，爸爸好好睡，而媽媽話唔夠睡，所以好眼訓．哈哈～跟住食早餐，然後搭車去碼頭搭船，當還有空閒時，爸爸就同我們影相，好開心呀！其間我們做左好多好多野，有食午餐，坐玻璃潛艇，游水．食午餐好小野食，但好好味！坐玻璃潛艇，好好玩呀，在這兒可以看到好多好多魚，包括：神仙魚，小丑魚，蘇眉，海龜．．．游水就得爸爸游喳，我們唔游．好好玩！差點兒唔記得今日的行程，今日第二日啦！我們來到大堡蕉，哈哈～勁好玩呀！有很多趣事發生，就係爸爸游完水，有些暈，ｈｅｈｅ～最後睡左一會兒就冇事；而妹妹就暈船浪，哈哈～最後嘔，見到佢嘔

ｄ野，我都想嘔呀！跟住在船睇鯨魚．跟住回酒店，我們出了一會兒街，然後回酒店集合，到酒店食中餐．跟住到街上走走，再回酒店，跟住睡覺．因為明天要４：００起床去第三日行程－黃金海岸，由於太早起床，要在飛機睡覺．

＊澳洲－黃金海岸

坐左兩個鍾頭機終於來到啦！第一站就去黃金海岸，一到沙灘，就可以看到一望無際的大海，好漂亮呀！沙灘的沙十分幼細，在陽光照射之下閃閃發光，就像一個金沙一樣似的，我，Ｅｒｉｃ，妹妹，媽媽，爸爸一起拾貝殼，七彩繽紛，十分漂亮！我拾左１４個，而Ｅｒｉｃ拾左５個．第二站去農莊睇牛，羊，馬．．．本來有得睇，但是加左價，好貴呀！最後冇睇，就去左夢幻樂園，有好多野玩，包括：過山車，跳樓機．．．好多好多，玩也玩不盡．跟住

回酒店，不過係第二間，就係日韓酒店啦！跟住再去酒樓食中餐，好好味！跟

住再行了一會兒街，我買左袋鼠，呀妹買左樹熊，跟住再買左一包果汁糖，哈哈～

＊澳洲－華納片埸

今日係第五日啦！真快！第五日就去左華納片埸玩，有：過山車，睇立體電影

．．．好多好多！Ｙｅａｈ！勁好玩！好開心呀！我陪呀妹玩駕的士．唉．．．低Ｂ！媽同呀妹又玩轉來轉去個ｄ，而爸爸就玩室內過山車．睇立體電影好好玩，係坐船，沿途可以睇到好多卡通人物，有：翠兒，公雞．．．

好多好多．跟住乘車回酒店，然後去食晚飯，有好多好多野食，有：豆腐，魚，生菜，排骨，牛肉，西洋菜湯．．．跟住坐了一會兒，就乘車去山洞睇螢火蟲，好好睇呀！包括：我，妹妹，媽媽，爸爸，弟弟，Ｕｎｃｌｅ，Ａｕｎｔ，Ｅｒｉｃ去，當我們愈來愈近睇螢火蟲的地方，燈就會愈暗，因為螢火蟲怕光．我們終於來到睇螢火蟲的地方啦！領隊話兩個兩個一起走，我同Ｅｒｉｃ一起肩並肩走，好開心呀！不過有時ｄ路窄就要單人行，哈哈～媽媽同爸爸，妹妹同Ａｕｎｔ，來到這兒一定要帶電筒，如果唔係的話就好黑行唔到．味出發前先去廁所，個廁所好深呀！好恐怖！去完就開始出發啦！我同Ｅｒｉｃ排第二；妹妹同Ａｕｎｔ排第三；爸爸同媽媽排第四；而領隊排第一．我們要把電筒照在腳下，不可以亂照，我們沿途非常黑暗，一不小心就會掉下去，十分崎嶇．要十分小心！如果窄的地方，只可以單人行，行下行下終於到啦！一入到去要關電筒，見到每個角落都有螢火蟲，有藍，有綠，好漂亮呀！不過冇夏天那麼多．跟住入來同回程都有睇好多好多樹，有老，有幼，有年．．．包括：黑豆樹．．．好多好多．跟住在出口食野，有茶，咖啡，水，蛋糕，好好味呀ｄ蛋糕！勁好食．跟住再乘車去空地睇星星，好漂亮呀！！一下車，整個天空佈滿了好多好多星星，閃呀閃，好漂亮呀！！我們睇左好多星星，有：南十字星，天蠍座，天秤座，人馬座．．．好多好多，勁好睇呀！Ｅｒｉｃ同爸爸一樣又係天秤座嫁！

ｈｅｈｅ～跟住１０：００幾先回酒店，好好玩呀！

＊澳洲－悉尼

今日我們由黃金海岸飛去悉尼，大約２個鍾，悉尼機場好大，我們首先去海德公園拍照，在這兒可以睇到歌劇院和悉尼大橋，旅遊車一轉彎就到歌劇院，是一個著名建築，我們都有拍照留念．再遊一遊舊區，到中午我們乘船出海

觀光，風景十分美麗．跟住再行了一會兒街，再回酒店，跟住食晚飯，再行了一會兒街，到了澳洲著名建築－旋轉餐廳，上到去佢話唔可以上喎，因為要５０元一位，又要食野，太貴啦！所以我地唔上，跟住回酒店．

＊澳洲－墨爾本

今日我們由悉尼飛去墨爾本，只須１個半鍾，一下機就好泠，機場比黃金海岸大，而比悉尼細，第一站去墨爾本市中心的一個市場，那裡有好多野買，有羊肉，牛肉，豬肉．．．好多好多，又有雜物買，有：手袋，毛公仔，花，零食．．．好多好多．Ｅｒｉｃ一路行一路講鬼故，好像笑話多過鬼故呀！

跟住沿途遊公園，再去教堂，再回酒店，休息了一會兒，再去菲臘島睇企鵝，ｄ企鵝好細隻，好得意嫁！牠們叫┌神仙企鵝┐，跟住要走啦！走的同時，見到１０幾隻呀，好得意！可惜要走啦，因為去食晚飯，跟住回酒店．仲有去左唐人街，好漂亮呀！原來Ｅｒｉｃ中文名叫－廖淩鋒，佢係天秤座嫁同爸爸一樣，哈哈～我和Ｅｒｉｃ食完午飯一起聽歌，聽左好多好多，有：Ｔｗｉｎｓ，２Ｒ，周杰倫，蔡依林，楊千嬅啦．．．好多好多一路行一路聽，哈哈～聽聽下會跌左個耳筒嫁，一係要拍照，一係要．．．聽到上旅遊巴就唔聽啦！ｈｅｈｅ～Ｅｒｉｃ同我一樣又好喜歡食Ｔｉｒａｍｉｓｕ．Ｅｒｉｃ　ｉｓ　ｍｙ　ｇｏｏｄｆｒｉｅｎｄ，ｈａｈａ～仲有我們去左個個船長以前住過的屋，好出名嫁！

我同Ｅｒｉｃ一路行一路講鬼故，但係今次講到有點兒令人噁心，在車都有講，講我們睇過什麼恐怖電影，有好多我們都睇過！仲有一樣好笑野，就係我同Ｅｒｉｃ去食為先到食午飯，我們在好遠好遠望過這間酒樓睇到金馬先，再行近一點睇到食馬先，跟住再行近一點，原來係食為先，跟住笑到肚痛，不過個為字好像寫到個馬字一樣，所以我們先睇錯，哈哈～

＊澳洲－墨爾本

今日我們第一站來到釀酒廠，那兒十分寧靜，沒有那麼人參觀，得我們四人，因為Ｅｒｉｃ，Ｕｎｃｌｅ，Ａｕｎｔ，弟弟走左啦！所以得我們四人去咋！我們一入到去，得一個人做生意，是一個西人她比酒我們試，好難飲呀！呀媽狂飲狂飲，唉．．．跟住買兩枝回港送比人．第二站去金礦，去到得７度咋，好泠呀！又下雨喎，幸好最尾那日落！雨愈來愈大，可以睇到以前的人淘金，有些人好慘，淘淘下金被大石跌下來壓死，跟住自由活動，有些人去淘金．．．最後我們去左大海洋路－十二門徒，我們一下車，好泠呀！得５－６度咋！又大風喎！我們數來數去都係得８塊石咋！我們拍左好多好多相，那兒泠過金礦好多好多，雖然冇下雨，但是很大風．跟住來回要６個鍾，好久好久嫁！跟住７：３０分又去食為先食晚飯，跟住回酒店．

＊回港

今日我們都有去酒店食早餐，不過冇咩野食，食左幾個包，好好味！跟住就乘車去機場，一到機場就買左好多手信，跟住上機，再停悉尼，跟住再上機回港．我對澳洲的感覺係：很漂亮，地大脈搏，空氣清新，比人一種舒服的感覺．我們在澳洲去過好多地方，包括：開恩茲，大堡蕉，黃金海岸，悉尼，夢幻樂園，華納片埸，墨爾本，淘金埸，菲臘島，十二門徒，螢火蟲之家．．．我最喜歡黃金海岸，因為可以拾貝殼，好多好多，佈滿整個沙灘，好漂亮呀！仲有ｄ沙在陽光照射下閃閃發光，十分漂亮；而妹妹就喜歡螢火蟲之家，因為在黑暗之下，可以睇到成千上萬的螢火蟲，十分漂亮；讓我最深刻的當然係同Ｅｒｉｃ一起有說有笑的時刻，好懷念！我和妹妹最喜歡都係到空地睇星星，整個天空佈滿密密麻麻的星星，閃下閃下，好漂亮呀！包括：南十字星，天蠍座，天秤座，人馬座．．．仲有一樣好好玩，就係四輪機動車，既刺激，又好玩！Ｙｅａｈ～