「點解道門反鎖0左0既？」滴金媽與肥爸雖沒說出口，但心裡同樣是這句說話；然而二人在屋外，難道有賊入屋還鎖上大門？

話說滴金爸媽某天晚膳回家，媽媽人有三急，愛妻心切的肥爸兩步併作三步走(仲慢過平時！)，扮趕快開門，鎖匙一下兩下，再按著門柄一推。弊！防盜門栓(作用如防盜鏈，不過不是一條鏈樣)卡住了。兩老有家歸不得，只見滴滴和金仔懶得意的從屋內偷看，還伸出小手撩撩屋外無助的爸媽，明串他們。嘻嘻！

「應該是滴滴做的好事，因為她平日也喜歡在門後搞搞震。」肥爸嘀咕。「係呀，每天你出門後，她都跳上鞋架搞個鎖。今次一定係搞搞0下推埋0左個防盜扣。」媽媽說。 當下兩老決定找開鎖佬幫忙，然而肥爸在開鎖佬上門前先發制人，自己搞掂，雖省回三百大元，但應該被開鎖佬咒罵祖宗十八代。

點搞？一個字 ─ 勁！

肥爸在滴金媽袋中找到了一本沖晒公司送的相簿，簿皮的塑料軟硬適中，最好用來開鎖。肥爸把簿皮趟進門隙，再慢慢上下前後的移動，把門拉回，又再把簿皮慢慢推進，「我頂、我再頂」的，直到感覺碰到門栓的橫樑，一趟，一推，一天光晒。

兩老進了門，滴金媽飛奔上厠，肥爸一邊鬧到滴滴金二貓飛起，一邊想著為什麼自己這樣聰明。

「咁都開到，個防盜扣都唔係好安全啫！」媽媽以這句話總結此事。 整個故事就係咁簡單，只是肥爸太多口水！多謝幫襯，各位晚安。