警員把超速駕駛的汽車截停下來。

警員：唔該，熄匙，車牌，身份證。

司機：無車牌，上次醉酒駕駛俾人捉到，牌都冇啦。

警員：係唔係你架車？

司機：唔係，偷返黎嫁。

警員：你偷返黎？

司機：冇錯，不過啱啱放鎗到手襪箱時好似睇到裡面有一Ｄ書信，應該可以查到車主係邊個。

警員：手襪箱裡面有支鎗？

司機：係呀，我開鎗殺完我老婆之後就放在裡面，冇再攞過出黎。

警員：你仲殺左你老婆？

司機：係呀，佢就係車尾箱裡面。

警員慌忙退後兩步，大聲喝：「咪郁，舉手。」

司機正猶豫咪郁又怎舉手之際，警員已經即時呼台向總部要求增援。

其時剛巧有一部巡邏車在附近，大批警員立刻趕到，一名幫辦走出來控制場面。

幫辦：咪郁！

司機：咩事呀？呀Ｓｉｒ，我有車牌呀。

幫辦（接過車牌）︰呢部車係咪你嫁？

司機：係呀，我啱啱買。

幫辦：手襪箱裡面係唔係有一支手鎗？

司機：我尋日先攞到車，箱裡面咩都冇。

幫辦：你係唔係殺左你老婆呀？麻煩你打開個車尾箱俾我睇下。

司機（打開車尾箱）：當然唔係啦，我依家就去接我老婆收工。

幫辦：喂！搞咩嫁？頭先我伙計先話你無車牌，偷車，開鎗殺左你老婆，

仲將條屍放左係行李箱裡面。

司機︰黐線，佢一定係傻嫁！唔駛問，佢一定仲同你講我超速駕駛啦！

(轉至I-See)