本來今日都係平靜嘅一日，學校就照常上課，電視劇繼續播六點半新聞報道，乜嘢都平平無奇。係咁嘅情況下我都以為今日係個平靜嘅一日，發夢發到三點半就以九秒九嘅姿勢收埋啲嘢，直接跑去出口，返屋企繼續上網。

可惜嘅係連個天都唔畀我有平靜一日，返學期間我見到平時抗議嗰啲係繼續喺度抗議，乜嘢「自護萬歲」「地球聯邦滾出這裏」毫無新意嘅口號已經聽到慣曬。但係突然間行到一半嗰陣時，突然之間喺港口裏面飛咗三隻綠色嘅機械人入嚟，佢哋飛過咗我哋上面冇嘢過我哋，係就直接舉起把槍直接向住軍隊嘅地方開槍。

一時之間把槍射出嚟嘅彈殼，受到人做引力的吸引向我哋頭上落下。一時之間人們爭相走避，但係有數百人都避唔過直接被殺死。

咁嘅情況之下唯有直接衝去父親工作嘅地方，可惜嘅係一去到嗰度已經發覺嗰度變得面目全非，爆炸所觸發嘅火光持續地湧現，爆炸聲同埋槍聲反覆地出現。

企住喺門口既我，唯有直奔去我認為安全嘅地方。突然間開嚟到大型貨車附近，發現喺貨車上面瞓住大型白色機械人，我好似受上天指使咁樣，以九秒九嘅速度直接進入去白色機械人裏面，咁啱得咁橋又俾我搵到個說明書，咁我就直接操控機械人攞咗背後嘅雷射槍，射向對面嘅綠色機械人，一秒之間對面綠色機械人就發生爆炸，其餘兩個綠色機械人發現事態不對之後立即逃跑，可惜嘅係依靠我神準嘅槍法幾秒之間佢哋兩個都落得同佢同伴嘅下場。