前一日放學個時，我就同黃君同學一齊去譚仔三哥食野，我食緊麵時，黃君同學滑下滑下手機見到新款銀包，正好我們本來都係想換銀包，傾下傾下，麵都就快食完，我地就拎銀包出黎俾錢，黃君同學只有10蚊，我銀包好似有100蚊，但點知我揾唔到我銀包。

我地就諗應該係行果陣跌咗，我就走咗出去揾，但都係揾唔到，我就返去譚仔到，返到去我同黃君不斷打被我地嘅同學，同學一係無聽電話，一係話無錢，我就有個大膽嘅主意，就係我地偷走唔被錢，我都知呢個主意好傻仔，但我淨諗到呢樣，我同黃君趁人多偷走咗出去。過咗幾日我地嘅同學就問我地，「你地以家好似好出名喎，被個簽名我得唔得」我地果陣仲未知咩事，跟住同學就被條片我地睇，先知發生咩事。過咗一排呢條片唔再出名，我同黃君就去譚仔到誠心道歉，過咗咁耐，老闆都唔再追究落去，只係話我哋唔好再有下次。

經過呢次，我諗我以後食嘢前要睇下銀包有冇錢同埋有冇帶銀包，睇完先好入去，真心覺得今次自己好好彩，同埋希望同學快啲忘記呢件事！