「可唔可以唔考試嫁?」

「唔知呀...」

「可唔可以唔默書嫁?」

「唔知呀...」

「可唔可以唔...」

「停!你見唔見到我溫緊書嫁!我唔該你、拜託係唔好煩我住!好心你咁多時間講咁多野就不如去溫下書啦!唔好響度浪費時間!」

「如果我係想溫既話，我就唔會同你講野啦...我都唔知個葉老師教咩!垃圾!」

「其實...」

「其實可唔可以唔其實，唔好再響度說教...你唔煩我都煩!」

「我都係為你...」

鈴...

「上堂啦，走啦...」

***

「我同媽咪要出去開會順便旅行，本來都想叫埋你去，不過你又要考試，我地又要去兩三個月...咁你自己小心喇!我放左幾萬蚊同兩張卡響你書枱...你媽咪有野同你講...汶汶，我擺左錢響你枕頭底，仲有兩張卡，唔好比你爸b知，你唔好去機場搵我地喇，你聽到留言嗰時我地應該上左機喇，唔好成日出去食，比心機溫習，我地走喇!拜拜!」

***

去旅行...我都想去...最衰都係考試!

嘩!咁晚喇!食飯做功課沖涼訓覺!

仲要寫葉老師份垃圾...

今晚冇十二點都唔洗訓...

***

「紀若汶!起身!」

若汶擦了擦眼睛，慢慢站了起來。

「紀若汶!高分唔代表可以上堂唔專心!企去門口!」

「全班咁多人訓又唔見你叫佢地去企，你身為老師係唔係應該公平對待所有學生?我都只不過係休息左五分鐘都未有，嗰邊有咁多人趴足你兩堂，點解你唔叫佢地起身呢，葉老師?」若汶站在位子說。

「...」老師雙眼佈滿紅根，似是有很多話要說，卻未有一絲聲音發出，「你知唔知咩叫尊師重道?你只不過係個考試高分既學生，點可以對老師咁冇禮貌!」

「我只會尊敬有料既老師，至於你...未夠班住!」

「紀若汶!兩個缺點!」

「你...」若汶由中一到中三都未收過一個警告。

「鈴...」

***

「汶汶，你一向都好有耐性嫁，做咩今次佢一話你，你就咁呀?」

「你知我一向都唔鐘意呢種咁既老師，冇料又扮勁，如果佢係教其他班，根本唔會有一個人合格!」

「咁你平日都冇野嫁，不過今日..」

「為左唔比呢種咁既老師響我地學校坐大，都係時候清理門戶喇...」

「吓!你唔係想殺人掛!」

「唔好傻啦你!你都知有好多人響我地學校都唔鐘意呢種老師...我地可以利用內聯網發起罷課，實行起一次革命，令呢班咁既老師響我地學校消失!」