嗰個中年男士係我嘅新繼父，佢一臉和藹可親衝着我笑，並想靠近過嚟，幫我拎書包，我一臉尬笑咁拒絕咗佢，並一路沖返我嘅房間。

只有我知道他仁慈的面孔下，係一個可怕的魔鬼，我攞出作業來，但係半隻字都寫唔落，腦海入面全部都是這幾日煩人可怕嘅回憶。

「咚咚咚」一陣敲門聲，外面傳來阿媽叫我出去食飯的喊聲，「唉」我無奈放下筆，心底嘆息一聲，不情願咁走出去。

餐枱上繼父夾咗一舊豬肉俾我「啊雅，食多啲啦你咁瘦」佢一面笑容咁樣同我講。

「我唔鍾意食豬肉啊」我回絕咗佢，心諗

真係虛偽，真想撕破他平易近人的面具。他有些尷尬，窘笑一下。突然，阿媽出聲對我批評「阿雅，你點可以對阿爸咁唔禮貌！以後唔好咁啦快啲道歉」

我唔情願咁道歉，冇食幾啖就返房休息啦，好快啊媽就去返夜班啦，嗰個所謂嘅「阿爸」露出咗佢真實嘅臉孔。

「嘭嘭嘭」「開門啊阿雅！」「砰砰砰」帶有酒意的話語從外面傳入來，冇錯，我的繼父係一個有酗酒習慣的酒鬼，每次在阿媽離開後，都會飲酒騷擾我，搞到我不得安寧。

「砰砰砰」「我叫你開門啊！」他帶有怒意地開始嘖罵，「我賺錢養了你哋，你哋就咁對我？….」。我害怕咁抵住門口，忍受住來自魔鬼的敲門，他暴躁地砸門。

過咗唔知幾耐，門外的聲音逐漸變少。我逐漸放下戒備。其實已經向過母親反映，但她淨係隨口同我講「哎呀，你繼父都有壓力㗎嘛，飲少少酒，俾佢放鬆一下，你就忍耐一下啦」但係佢已經嚴重影響到我嘅生活啦，我不屈地想到，意識也逐漸模糊睡下。

第二朝，我急不可待地收拾好琴晚仲未做好的功課，趕着出門口，就嚟遲到啦。我奔跑出門，繼父叫停左我，對我說「琴晚唔好意思呀，攞個三文治去食啦」

到學校已經遲到，又要比班主任批評啦。「高雅！你又遲到，你呢個月遲到左幾多次啦！」熟悉嘅對話都唔知聽左幾多次。「對唔住啊，老師」唉，好煩。

「咁樣嘅生活仲要持續幾耐..阿媽又唔理，又冇證據同老師講」心底不自覺咁諗到。「高雅！你又上堂發呆！同我企起身……