酒店的確係會有好多怪事發生. 我朋友理大既酒店管理畢業, 佢講左好多關於酒店鬧鬼既野俾我知. 度同大家分享下....

(1) 成日聽到酒店鬧鬼...點解酒店咁多鬼? 原因係好多人鍾意 酒店自殺.因為死左會有人發覺, 又唔會整污漕自己地方. 佢地做酒店(特別係做reception既)會留意住客既出入. 如果發現住客兩日都無出過門口, 打電話去房又無人聽, 就要一個職員加一個主管級人員一齊用後備鎖匙開門入去, 睇下係咪出左事. 要兩個人一齊入去既原因係可以互相做證人, 如果間房唔見左野都可以有人證.

(2) 如果真係有人酒店自殺, 酒店係唔會打九九九. 佢地會用特別渠道將條屍送走.特別渠道唔一定唔合法, 總之係一唔會俾傳媒知道既渠道...因為好多傳媒都鍾意偷聽九九九頻道去搶新聞. 為左防止傳媒報左出黎而影響生意, 好多酒店都會咁做.

(3) 我位朋友仲教我幾套住酒店守則, 世界通用.

"a" 住酒店一定唔住走廊尾既房. 酒店唔係永遠都爆棚, 當唔爆棚既時候, 酒店會由電梯大堂開始一路將房間分配出去, 咁做既原因係將住客集中, 方便清潔同執房等等.所以相對黎講, 走廊尾既房間人氣會較少, 容易招惹污漕野.

"b" 入到房唔好將櫃桶打開晒. 好多人好鍾意一入到房就將櫃桶打開晒, 睇下有乜野....咁樣其實好易「迫」污漕野出黎....鬼都怕人, 如果間房真係有鬼, 要留返一地方俾佢匿埋...

"c" 訓覺最好著返一盞燈. 好簡單, 俾返少少「陽氣」間房喎...

"d" 見到間房有聖經, 唔駛驚. 但係如果見到本聖經打開左, 就要換房 間房有聖經有可能係因為宗教信仰問題, 未必係同鬼魂有關. 但係如果本聖經係打開左, 就表示間房唔乾淨. 因為打開既並唔係求其一篇經文, 會係一篇驅鬼既經文, 所以最好換房.若果真係迫不得已要住, 記住唔好懶有手尾咁合返埋本聖經!!!

"e" 假如一入到去就發覺好唔舒服, 最好換房.

"f" 假如有好誇張既事發生, 例如張床震, 電視∕燈自己開關, 櫃桶自己打開等等,唔好諗, 寧願轉酒店都唔好住. 因為可能你已經唔覺意得罪左「佢」....

希望以上既資料可以幫助大家住酒店住得安心, 住得安全.