我就諗,冇理由咁耐都唔見配角....

哈,就講就到,結果有三隻古古怪怪既非人類生物出現左。

估都估到講咩啦...

「唐僧,我地黎食你啦!」佢地好似好兇咁。

有冇第二句呀大佬...

我就笑笑口咁同佢講:「各位大佬,其實你地有冇諗過,等佢死左先呢?」

「等唔切啦!我地一定要今日食到!」

「其實,佢聽日就死,你地大可放心。」

「你點知?」

「你地望下塊石,佢其實係一塊預言石,講得好清楚啦。」

「友少允場峙杯坑之曼坪伋各之壬早郎荏昭沖坑柿阡門油圖愎芝扣化汪士辰畈呎卉愜油豐安之甸洋炭岸懿室考杯千系丈系丈牛思畈油反岫涼竹鷗者寨穿土舍尮力木?咩意思?」佢地好好奇咁問。

「係梵文,友少允場峙杯坑之曼坪伋各之壬早郎荏昭沖坑柿阡門油圖愎芝扣化汪士辰畈呎卉愜油豐安之甸洋炭岸懿室考杯千系丈系丈牛思畈油反岫涼竹鷗者寨穿土舍尮力木,即係唐僧9月3號會死。死因係:太多功課,操勞過度。」

「功課?係咩黎?」

「係一樣做唔完既事...」我忽然諗起我仲有好多功課未做!不得了啦不得了啦!

我好用力咁打左自己一巴,終於醒左。我見到一堆功課,結果又暈番。