「高雅你同我企起身！」一下拍枱聲隨着罵聲響起。按着手臂正在發呆的我被嚇得瞬間站起。「你同我去後面企喺度，放咗學之後過嚟搵我！」聽到後我唯有黑著面去後面企住。老師見到我的表情後瞪了我一下便繼續教書。

鈴鈴鈴鈴，下課鐘聲響起，過咗五個鐘終於放學。仲未等我落去搵老師，老師已經企咗係課室門口等我。等全部同學都離開後，老師就咗我過去佢面前。

「你呢排到底做乜，成績不斷下跌，上堂又唔認真，你究竟想點啊。」

「對唔住。」

「你係咪識咗啲咩人啊？你知唔知你依家成個壞學生咁。係，你依家係大個啦，可以自己決定識啲咩人，但係你要知道你依家係學生，你依家最重要嘅嘢係學習呀，唔該你生性啲啦。」

「對唔住。」我依然重複住呢句話。

「你唔好再同我講對唔住，你唔係對唔住我，係對唔住你自己，對唔住你父母呀！」

聽到呢句話嘅我握緊拳頭「嗯，知道啦。」

「唉，我宜家講咩你都聽唔入㗎啦，算啦，你返去先，唔該你真係諗清楚啦。」

「知道啦，再見老師。」

向老師道過別後我便離開了學校返屋企。

返到屋企門口，拎出鎖匙打開門後一入眼簾嘅係一個中年男士，佢見到我後同我講咗聲「你返嚟啦。」