上回講到,阿明突然變得認真,向我說:[阿聰,我們繼續這樣下去一定會死,你要不要跟我一起試著賭一盤嬴了可以生存下去,輸了可能會死的賭局??]我就問佢:[到底係咩賭注??] 阿明好認真咁同我講:[你見唔見到講台下面有個帶住青色頭盔既恐怖份子??個個應該係佢地大佬 我地擒賊先擒王 去捉住佢地大佬再威脅返佢地轉頭,叫佢地放我地走]我就話:[好啦,我跟你!]阿明召集埋其他有興趣作反既同學,講解下今次計劃既內容,佢話:[呢家可以開始行動,但行動開始之前要搵個烈士引起佢地注意!呢個烈士一定要非常聰明,因為有可能未吸引到佢地注意就比佢地射死!]呢個時間我二話不說大聲講句[大佬,一世大佬,以後都係大佬,呢家我地既然咁唔好彩比恐怖分子捉住左,洗唔洗我去Call馬???如果比出邊班o靚知道大佬你比恐怖份子捉左會好無面嫁!]當然,我所講既大佬就係阿明,但其實阿明根本就唔係D咩黑社會大佬,佢只不過係一個肥矮毒既宅男,呢個時候個個恐怖分子望過黎,帶住青頭盔個個恐怖份子走埋黎問阿明,[o靚仔,讀書學人做大佬??你邊到嫁??]阿明驚到一粒聲都唔夠膽出,呢個時間我就不斷火上加油係佢側邊講:[大佬,你唔係驚呢D恐怖份子分子呀??想當年你出黎行個陣黑白兩邊有邊個唔識你明哥呀???]阿明係呢個時間渣實佢個拳頭,表現到好憤怒咁樣,班恐怖份子真係以為阿明咁有料,見佢比咁多把槍指住個頭都驚都唔驚,仲渣實個拳頭好似好勁咁,個個都怕佢三分,但其實阿明渣實拳頭之後係因為嬲我不斷係恐怖份子面前火上加油,令佢呢家同班恐怖份子進入僵持狀態,我見青頭盔恐怖份子都開始有些少動搖,我就順理成章繼續講落去:[大佬,唔好咁衝動,收返埋你枝槍先,一陣皇氣黎到你水洗都唔清]青頭盔恐怖份子聽到我話阿明有槍 佢即刻叫哂成班恐怖份子拎住槍指住佢,就問佢;[你得一枝槍,呢家我地十幾皮槍指住你 睇下邊個枝槍快D??]阿明好驚,因為佢知道自己已經比我講到無辦法離開呢個局面,係阿明係到拖延住班恐怖份子既注意力個陣 我地成間學校既學生唔知係咪因為死裡逃生既關係,個個行路無聲咁離開左間學校,得返阿明同班恐怖份子係入面,班恐怖份子因為太專注望住阿明,所以我地走哂都無人知,我地跑到出門口,見到有好多警車,呢個時間,我地大家都可以放鬆落黎.返到屋企我因為太驚而且成日無食野所以食左好多飯,而且因為自己死裡逃生訓左覺好既,至於阿明??我地出左去之後警方立即沖左入去包圍班恐怖份子,佢地全部棄械投降,當阿明以為自己得救個陣,班恐怖份子同D警察講話阿明係黑社會,仲有好勢力,搞到阿明水洗都唔清,最後同埋恐怖份子坐監,我定時定候都有寫信去探阿明,因為都係因為阿明我先至無死係恐怖份子手上,阿明佢多次向法院上訴話自己唔係黑社會,但全部恐怖份子都出黎指証佢,令到佢最後都係上訴唔成功,最近佢話係監倉入面生活得唔錯,仲話諗住放監出黎去做編劇,想拍套戲,連戲名都諗埋,話叫[監獄風雲]啵!