第六章 = 開始

"停喇, 好嗎? 我唔夠氣啦" 彤條氣真係頂唔順..

文停左係到, 拎轉身望住佢, 之後行去彤果邊... "你冇事嘛?" 輕輕拍下彤既膊頭

"做咩見到我就走呀?" 彤條氣都未好得順就問

"冇呀..........." 文有d野隱瞞住彤

"我同華扮野架咋......" 彤解釋

"邊個話? 我認真架.. 關海彤.." 華突然係後面殺出黎, 好認真咁講

"我同佢真係玩架咋, 文.... 咳咳.........." 彤好辛苦咁講, 條氣頂唔順, "頭先d女仔玩我........." 彤未講完, 華就話 "但我認真架囉"

三個人都冇出聲, 彤望住華, 文望住彤, 佢地三個人都沉默左大約兩分鐘, 上課鐘就響起

"放學見" 彤講完呢一句就即刻拎起書包跑上課室

文望一望華, 就走左...

入到班房, 所有女仔都望住彤, 細聲講大聲笑, 彤都估到發生咩事..

彤心諗： 奇怪.. 我唔係話鍾意華架咩? 點解而家會咁.. 唔係應該開心架咩?

冇錯, 愛情&友情係唔可以共存... 本應好好既關係而家多左一個好朋友出黎??!

華一入班房就望住彤, 而彤就扮睇唔到咁, 文就依舊坐番彤隔離

"sorry呀文, 信我, 我地真係玩架咋........." 彤用盡口水同文解釋

"哦........." 文好細聲咁講, 但彤知道, 文唔會信....

小息既時候, 當文起左洗手間, 華走去彤身邊, 問佢 "同我食lunch得唔得?"

"唔得" 彤冇望過佢一眼

"點解?" 華叉起條腰問彤

"我比你玩死..." 彤望住佢, 眼神有d失望

"我都話左我講真..........." 華解釋.. "點解唔比機會我?" 華問彤

"我唔想因為你而冇左文呢個好朋友.." 彤好決絕咁講, 當佢咁講, 佢個心真係好痛..

"冇關係架.." 華對彤說

"睇下點先啦.. 你唔洗做清潔咩?" 彤問華

"要架..." 華同彤講

"咁點食飯?" 彤問華

"我既意思係你陪我呀..............." 華終於開口

"睇下點先啦~" 彤好cool咁回答

呢個時候, 文返左黎, 華同文互相望左幾眼, 華就行開左.. 我真係有d擔心..

"你咪去囉~" 文突然開口講, 佢唔出聲彤又好擔心, 佢一出聲彤又好驚..

"下...?" 彤問文, "你做咩姐? 今朝件事之後就成個人都變晒..? 我都話左我地係做戲架囉..." 彤忍唔住講出黎

"冇呀, 係呢, 聽日我生日, 我想果一日你陪我, 好嗎?" 文有個要求

"係咩?? 我唔知既, 係wo~ 你去左canada...可以呀!!!" 彤即刻應承

"唔......上堂喇~" 文說

果一刻, 彤個心好似安樂返d... 點解? 係咪因為自己覺得對唔住文? 呢d只係補償?

*lunchtime*

"喂, 行啦" 華拉住彤既手臂

"放手啦" 彤好惡咁講

呢個時候, 強仔入左黎..

"家姐, 你去左邊呀? 你有冇事呀?" 強即刻走去攬住彤

"冇事呀~ 傻仔, 你點呀? 琴晚驚唔驚呀?" 彤摸住強個頭

"唔驚呀, 佢過左黎陪我呀!" 強指住華, 華即刻好尷尬咁笑一笑

"佢? 冇可能呀.. 哥哥琴晚係......." 彤意識到自己差d講錯野, "佢琴晚冇可能陪你架啵.." 彤問強

"唔係呀, 佢琴晚真係有陪我.." 強答, 彤望住華, 華就係彤耳邊話, "你琴晚訓到成隻豬咁, 唔想嘈醒你ma.. 我琴晚半夜走左去搵強仔呀~"

"哈哈~" 彤笑左出黎

"去食野啦? 強你去ma~?" 華問

"好呀~" 強答

佢地三個一路行, 一路傾計, 仲見到第一日開學, 借果d野比彤個女仔丫!

"hi, 上次既事唔該呀~" 彤同佢講

"嗯, 你叫咩名?" 女仔問彤

"關海彤, 你呢?" 彤問個女仔

"黃美敏" 女仔答

"哦.. 下次傾丫~" 彤同敏講, 敏就行開左了

"你都識唔少人.." 華呷醋咁講

"關你咩事" 彤好cool咁答

"家姐, 你咁惡對哥哥做咩?" 強問彤

"連你細佬都幫我" 華好得意咁講

彤： 就係呢一日, 我同細佬同埋華就過左好開心既一個下午~ 雖然我把口成日都暗示唔鍾意華, 但個心始終.......

*回到家*

"媽~我返黎啦" 彤訓左落sofa到..

"咦~ 點解琴晚有d粥同湯係到架? 你架? 我倒晒啦" 阿媽問彤

彤突然醒起... 喔... 係文......我冇食文比我既野..... 我浪費左佢既心機..... 果一刻佢好唔開心... "你做咩掂我d野姐" 彤向阿媽發脾氣, 但阿媽冇理佢

果一晚, 彤諗左成晚, 究竟華同佢講d野係真定係假? 文又點解會變到咁? 好亂.. 好亂...

*第二朝, 文既生日*

彤一落到樓下.. 就見到華-.-"

"嘩, 你做咩係到架?" 彤驚訝咁問華

"同你一齊返學囉@o@" 華好得意咁講, 彤都冇佢辦法.. "今日出唔出去食呀?" 華問彤

"唔呀, 我應承左文陪佢既~ 佢今日生曰呀" 彤好sweet咁講

華停止腳步.. "又係佢... 點解次次提起佢你都變晒樣.. 變到咁sweet? 佢比左咩你食.. 係咪上次 d 粥呀.. 點解你對我可以咁差而對佢咁好? 我有咩比唔上?"

彤聽左好心痛... 自己鍾意既人會咁講? 彤只係當文好朋友... 真係好朋友.... 同好朋友慶祝有罪ma?

"你都亂講, 慶祝有咩問題? 我應承佢在先架.." 彤話返華

"你個心根本鍾意佢" 華直接講

"你講咩呀? 我同佢識左好耐嫁喇.." 彤解釋

"咁我問你, 你鍾唔鍾意我呀?" 華好直接咁問彤, 仲捉住佢隻手

"夠鐘喇, 我唔想遲到.." 彤即刻跑開, 唔想答佢呢個問題

"你避到一時避唔到一世.. 我地日日見住架" 華大聲咁講, "如果你而家講一句你唔愛我, 我即刻消失..."

"你...你痴線架..." 彤唔想答..

"你唔敢講即係你鍾意我啦, 點解要避?" 華走過去攬住彤

"我.........." 彤唔想講

"比次機會我都唔得? 我feel到架.. 你唔想文唔開心先咁對我, 係咪?" 華好認真咁問

彤冇答佢, 只係覺得呢一刻好warm, 因為華攬住佢

"你可唔可以做我女朋友?" 華問彤

"下........" 彤好尷尬

"我知你鍾意我......." 華好認真呀

"咁.." 彤真係唔知點好....

"我地而家各自返學~我比你考慮........學校門口見" 華放手

＊＊　彤：　一路上我都考慮緊, 究竟點呢...? 不過我同文只係好朋友既關係... 我同華既野唔關佢事架.. 加上我又鍾意華....

去到校門, 見到華已經企左係到..

"喂.." 彤走去華到

"係..?" 華答

"咁cool做乜...?" 彤問華

"等緊你...." 華好sweet咁講.. "你諗成點?"

"嗯..." 彤面紅咁答

"嗯? 咩意思呀?" 華問彤

"即係咩囉..." 彤答

"做定唔做呀?" 華個眼神好心急.. "信我呀, 我會比到100%幸福你~ 我會盡自己既努力去令你開心!"

"都話做囉.... 你隻耳點聽野架=0=" 彤笑著玩佢

"好野!" 華好開心, 即刻拖住彤隻手.. 一齊入左學校喇

佢地一齊拖手入課室, 咁岩文行緊出課室...

"咦, 你地...? 恭喜..." 文同華講

"多謝, 係啵, 生日快樂' 華回答

"生日快樂呀文.. 今日我請你食野丫~" 彤同文講^^

"又話陪我一日既?" 文問彤

"係啵..." 彤望住華一眼... 華有d嬲... "咁....?" 彤問華

"你今日可唔可以做我一日既女朋友?" 文認真咁問彤

"下...?" 彤好驚訝... 望住華...

"佢係我女朋友.. 你冇權咁做!!!" 華發惡

"又話陪我過生日?" 文問彤

"咁.... 哦....." 我勉強咁答左文, 再望華, 華個眼神好惡.. 好嬲咁望住我同文..

＊＊彤： 我地岩岩先開始.. 真係唔想因為咁而令到大家唔開心

**究竟華, 文, 彤之間既關係會點? 呢個故事又會有幾感人呢? 睇下下面咪知囉!哈"))

~~~~~~~~~~~~~~~~~~~~~~~

~~~~~~~~~~~~~~~~~~~~~~~

~~~~~~~~~~~~~~~~~~~~~~~

~~~~~~~~~~~~~~~~~~~~~~~

~~~~~~~~~~~~~~~~~~~~~~~

~~~~~~~~~~~~~~~~~~~~~~~

~~~~~~~~~~~~~~~~~~~~~~~

~~~~~~~~~~~~~~~~~~~~~~~

~~~~~~~~~~~~~~~~~~~~~~~

第七章 = 難忘的一天

彤好無奈咁答應左文, 但文個樣就好甜, 好開心, 而華呢, 當然嬲爆爆啦

"喂, 唔好咁啦..." 彤拉住華既衫角, 苦苦咁哀佢

"你不如試下比我同其他女仔扮拍拖丫" 華好惡咁話佢, 推開佢

"做咩推人姐, 成日打人" 彤忍唔住話佢

"sorry囉" 華條氣頂唔順

"彤...上堂啦" 文拖住彤隻手

"唔好拖啦..." 彤同文講.. 之後望一望華, 華見到更加嬲

"又話做我一日女朋友.. 拖都唔比... 拍拖唔係咁架咩?!" 文笑著問彤

文個笑容好甜, 好warm..

"咁鍾意拖咪拖爆佢囉, 我走啦, 冇心情返學" 華拎起個書包, 就走左, 彤想追都追唔到

"唉... 文呀.. 今次比你玩死" 彤望住華既背影..

"呢個真係我心願黎架..." 文好情深咁望住佢

"ok啦...上堂lu~ 小息傾" 彤放開手, 走入班房

一路上堂, 彤就諗緊同華既野

*小息*

"老婆仔!!" 文突然好大力咁拍彤個膊頭

"喂,傻左咩,咁大聲,比人聽到唔好呀! 我地玩咋!" 彤好緊張咁,望下周圍有冇人

"陪我落去後花園..." 文要求

"好呀~" 彤答應

"拖手得唔得呀?" 文靠向彤既膊頭說

"唔好啦..." 彤拒絕

"哦... 咁算啦...." 文好失望

*後花園*

"生日快樂呀!" 彤笑著同文講

"多謝, 不如而家去行街囉" 文問彤

"下...而家? 上堂喎..." 彤問文

"怕咩呀... 哈哈.. 行啦" 文拉住彤既手, 一齊跑出去學校正門..

女同學A "嘩~條姣婆又有新仔啦?!....唉...真係丫...."

女同學B "咪係, 自己本身條仔咁令仔~ 又唔珍惜..."

彤聽到呢D真係好唔開心.... 不過.. 解釋又冇用....

佢地首先去食野, 文嗌左個情侶餐, 彤都冇say no... 照食! 食完文話想睇戲, 彤就陪左佢去睇一場愛情戲

*戲院*

"我覺得我地咁做好似唔係咁好呀" 彤有d唔好意思

"怕咩呀~ 老婆仔~ 冇時間啦~ 快d啦" 文拉住彤去買飛

"你生日, 我請你呀" 彤拎緊錢出黎

"唔得~ 做咩要老婆仔出錢呀?" 文收番埋彤d錢~

"下...." 彤無奈

"你陪我已經好好嫁喇, 睇完戲我帶你同阿媽去食飯!" 文好興奮

"下!!!!!!! 同你阿媽食飯???? " 彤好大反應, 好緊張咁問, 好多人望住佢

"細聲d啦~ 梗係要帶老婆比阿媽睇架~" 文笑著講

彤果一刻心諗, 佢覺得文真係當左彤係佢真正女朋友... 但彤個心, 其實一直諗緊華~ 想知佢而家點....

*2個鐘後*

"套戲好悶呀~" 彤伸懶腰

"係囉," 文回應, "等陣先, 打比我媽" 文個手提好靚呀

-15 mins後-

"我阿媽而家黎車我地呀~" 文同彤講

"唔係掛... 我去去廁所先" 彤好緊張, 即刻入廁所打扮

"我咁樣OK嗎??" 彤好緊張, 不斷補粉

"老婆你靚晒!" 文笑著說

冇幾耐, 佢阿媽就黎左啦, 佢阿媽好高貴

"HI.. AUNTIE.." 彤好細聲咁講

"HELLO! 你係文個女朋友呀?" AUNTIE 笑笑口咁問

彤唔知點答佢好... "下...?"

"係呀, 媽咪~ 可唔可以車我地去山頂?" 文同佢媽咪講

"OK~"

*一路上, 佢地3個人都冇出聲, 聽到既只係風聲*

*到目的地*

"玩得開心D啦, 拜拜~" AUNTIE 笑著說

"你做咩帶我黎呢到呀?" 彤問文

"因為我想有一個難忘既生日..." 文忽然變得好感慨, 突然從後攬住彤

"做咩變到咁感慨?!" 彤試著推開文, 但文攬得佢好實

"冇呀" 文回答

"你生日都冇蛋糕..." 彤問文

"有你就得喇" 文好溫柔咁係彤耳邊講

呢一刻彤個心好WARM呀, 不過.... 華又點呢?

"你睇下,日落啦" 文指住個天

日落真係好靚.....好靚...不過好短暫....

"I LOVE YOU!" 文突然同彤講

彤個心即係卜卜跳, 成身好熱.....

"哦...." 彤回應, 佢個心... 開始有少少動搖.... 究竟... 係華.. 還是文?

"多謝你陪我成日..." 文放手

"唔洗..." 彤尷尬

文送左彤返屋企, 一路上佢地都冇野傾......

"我到喇~ 拜拜~ 聽日見" 彤揮手

"小心D... 記得保重呀" 文依依不捨...

返到屋企, 彤心諗: 究竟係點呢, 華 / 文? 文好溫柔....呀!!! 唔係, 我唔可以咁諗, 我愛

既係華, 我要專一!

彤心諗...沖涼, 之後打比華先!!

(仲有架!!!未完丫!!)